Veni, creator Spiritus

1) Veni, creátor Spíritus, mentes tuórum vísita:
imple supérna grátia, quae tu creásti péctora.

2) Qui díceris Paráclitus, donum Dei altíssimi,
fons vivus, ígnis, cáritas et spiritális únctio.

3) Tu septifórmis múnere, dextrae Dei tu dígitus,
tu rite promíssum Pátris sermóne dítans gúttura.

4) Accénde lumen sénsibus, infúnde amórem córdibus,
infírma nostri córporis virtúte firmans pérpeti.

5) Hostem repéllas lóngius pacémque dones prótinus;
ductóre sic te práevio vitémus omne nóxium.

6) Per te sciámus da Patrem noscámus atque Fílium,
te utriúsque Spíritum credámus omni témpore.

7) Déo Pátri sit glória, et Fílio, qui a mórtuis
surréxit, ac Paráclito, in saeculórum sáecula.

Amen


Text: Rabanus Maurus
Melodie: Kempten 1000 / Jacques Berthier

Quelle: https://www.evangeliums.net/lieder/lied_veni_creator_spiritus.html