Gaudete    

Ref.: Gaudete, gaudete! Christus est natus
ex Maria Virgine, gaudete!

1) Tempus adest gratiae
Hoc quod optabamus,
Carmina laetitiae
Devote reddamus.

2) Deus homo factus est
Natura mirante,
Mundus renovatus est
A Christo regnante.

3) Ezechielis porta
Clausa pertransitur,
Unde lux est orta
Salus invenitur.

4) Ergo nostra concio
Psallat iam in lustro;
Benedicat Domino:
Salus Regi nostro.